Politikki

Asii suleqatiginnikkusuttoq

Qaasuitsup Kommuniata siunnersuutaa Kommuneqarfik Sermersuumi bormesterip soqutiginartippaa.

Allattoq Jonas Løvschall-Wedel

juunip 29-at 2016 15:34

Nutserisoq Jens Thorin

KANUKOKA atorunnaarili kommunillu tamarmik peqataaffigisaannik suleqatigiiffissannik taarserli. Qaasuitsup kommuniani Kommunalbestyrelse tamarmiusoq siunersuuteqartoq Palle Jerimiassen taperserlugu taama isumaqarpoq.

Palle Jerimiassenip Kommuneqarfik Sermersuup KANUKOKA-mit anisimaneraniit pissutsit atuutilersimasut attanneqarsinnaanngitsutut taavai.

- Piffissanngorsimavoq massakkut nuna tamakkerlugu katersuuffiusinnaasumik kommunit tamarmik suleqatigiiffigisinnaasaannik pilersitsinissaq, Palle Jerimiassen oqarpoq.

Aamma atuaruk Kommunep KANUKOKA atorunnaarsinniaraa

Taama siunnersuuteqarneq Sermersuup Kommuniani borgmesterip Asii Chemnitz Narupip nuannaarutigaa, taassumalu kommunit allat oqaloqatigiumavai.

- Qaasuitsup Kommuniani kommunalbestyresimiit siunnersuut soqutiginartupilussuuvoq. Kommunit suleqatigiiffissaanut nutaamut tunngasumik Kommuneqarfik Sermersuumiit isumaqatigiinniarnerni peqataarusuppugut, Asii Chemnitz Narup KNR-imut allappoq.

Aamma atuaruk KANUKOKA-p siulittaasua tunuartoq