Asiaq sila pillugu nutaamik nittartagaqalersoq

Illoqarfinnit nunaqarfinniillu assigiinngitsunit 40-nit amerlanerusuneersut nittartagaq sila.asiaq.gl aqqutigalugu takuneqarsinnaanngorput, kiassuseq, anori, silaannaap naqitsinera, isikkivigissuseq assigiinngitsorpassuillu maanna atuuttut siusinnerusukkullumi atuuttut takuneqarsinnaallutik.

Sila pillugu paasissutissanik attuumassutilinnik nutartikkanillu takusassaqarneq imaatigut nunakkullu isumannaallisaanermut pingaaruteqartut Asiap oqaatigaa, nittartakkami ataatsimoortumi, paasiuminartumi atoruminartumillu silap maannakkorpiaq qanoq innera paasiniarneqarsinnaalluni.

Silamik nalunaarutit oqaasertalersorneqarput isigiarsuttunullu iluaqutaasumik atuffassissutigineqarnissamut tamatuma saniatigut piareersimallutik.

Sila pillugu nittartagaq nutartigaq Asiap sila pillugu nittartagaanut ilisimaneqarluartumut sumiiffinnit assigiinngitsunit 19-init silasiornernik takutitsisumut taartaavoq, sumiiffinniillu katillugit 42-nit silap qanoq innera maanna paasiniarneqarsinnaanngorluni.

Tassa sumiiffinni sila qanoq innersoq paaserusukkukku sila.asiaq.gl-imut maanna takuniarsinnaanngorpat.