Asiamiut aalisagaq kinguaassiortitaat Islandimi tuniniarneqartoq
Asiamit nioqqutissat allat nioqqutissaataannik assiliinerusut, tusagassiutini tusarsaakkajupput, taakkuli aalisagaasanngillat.
Allattoq Inge S. Rasmussen
septembarip 23-at 2017 16:47
Nutserisoq Connie Fontain
Islandimiulli inuussutissanik nioqquteqarnermi meqqiat – Icelandic Seafood Asiami aalisakkanik kinguaassiortitanik nioqquteqarnermut atorneqartoq, Islandimi maanna malugineqarpoq.
Islandimiut nutaarsiassaqartitsiviata, Frettabadidip aalisakkamik nioqqutissap akuisa nassuiaataani aalisagaq atlantikup avannarpasissuani tarajormiuunngitsoq paasivaat tassaasorlu aalisagaq Tilapia, Asiami kinguaassiortitaq.
Nioqqutissap meqqia, Icelandic Seafood islandimiut aningaasalisartut aningaasaateqarfiata pigaa. Aningaasaateqarfiulli meqqi canadamiut suliffeqarfiutaannut attartortissimanerarpaa taamaammallu aningaasaateqarfik tamatumunnga ajuusaarnartumut akisussaanngissoraaq.
