Asiami ajunaarnermut ikiorsiinissaq akuerineqarpoq
Indiap imartaani immap naqqata sajunnerata kingorna immami qaarnersuup Asiami nunani arlalissuarni eqqugaanut, ikiuiniarnissamut naalakkersuisut aningaasaliissutaat nunatsinni Røde Korsimut tunniunneqassapput.
Naalakkersuisullu aalajangerput Asiami eqqugaasunut ikiorsiissutitut aningaasat 1,12 mio. koruunit tunniunneqassasut. Naalakkersuisut aningaasaliissutissatut aalajangiussaat Inatsisartut Aningaasaqarnermut Ataatsimiititaliaata aqagu ullaap tungaani ataatsimiinnermini isummerfigissavaa.
Nunatsinni Røde Korsit siulittaasuat Aase Nygaard oqarpoq aningaasat tunniunneqariarpata Danmarkimi Røde Korsimut ingerlateqqinneqarumaartut. Aase Nygaardilu oqarpoq aningaasat eqqugaasut imissaannik saliinermi atugassanut iisartagaasanut, nerisassanut tupissanut atisassanullu atorneqarumaartut.
Asiami ajunaarnersuarmik eqqugaasunut aningaasaliissutit saniatigut nunatsinni Røde Korsi 100.000 koruuninik naalakkersuisut ajunaarnersuaqartillugu aningaasaateqarfianit aamma tunineqarpoq.
