Arsaattut pissanganassagunarput

TV-mi isiginnaartartut toqqaannartumik malinnaaffigisinnaavaat Nagdlúnguup Ilulissaneersupa amma B-67-ip Nuummeersut nalunaaqutaq 18.00 unamminerat. Taanna unammineq tassaarataannaavoq puljemi ajugaanniunneq unammersuarnerit ingerlaqqinnissaannut pingaaruteqarsinnaaqisoq.

Unammisussat tamarmik qulanaatsumik marloriarlutik ajugaareerput. B-67 Kugsak 45-mut 4-0-mik ajugaavoq aammalu ATA 6-0-mik ajugaaffigalugu.

Nagdlúnguak Nagtoralimmut Kugsak 45-mullu 4-1-mik ajugaavoq. Maannalu tassa Nagdlúnguak aamma B-67 imminnut unammisussanngorput.

- Unammineq pissanganartorujussuussagunarpoq. Siorna immitsinnut unamminikuunngilagut kisianni tamatta timi teknikkilu atorlugit arsariaaseqarpugut. Taamaattumik unammilerutta pikkunassagunarpoq, B-67-ip sungiusaasua Rene Olsen KNR-imut oqarpoq.

Taanna isumaqarpoq iligiit periarfissanik atorluaasinnaanerit ajugaanissamut periarfissaqarluartut.

Nagdlúnguarmiut aamma unamminissamut qilanaaqaat.

- Naligiissagunaqaagut. Iligiit tunioraatillaqqinnerit iligiittullu suleqatigiilluarsinnaanerit ajugaanissamut periarfissaqarnerupput, Nagdlúnguami sungiusaasoq Ole Brønlund KNR-mut oqarpoq.

Marlunngornermi unamminissat:
Nal. 14.00 Nagtoralik - ATA
Nal. 16.00 SAK - FC Malamuk
Nal. 18.00 B-67 - Nagdlúnguak (KNR-TV-mi toqqaannartoq)
Nal. 20.00 UB-83 - G-44 (KNR-TV-mi toqqaannartoq)

Aajuna G-44-meersoq Zakorat Zeeb Eqaluk 54-mut isertitsisoq.

Aajuna Nagdlúnguameersoq Markus Jensen Kugsak 45-mut unamminermi isertitsisoq.