Arsaannermi GM: Kâgssagssuk T-41-mut ajugaavoq
Angutit arsaallutik GM-qarneranni pulje 2-mi periarfissat putsumillusooq ersernerlupput pingasunngornermi unamminissat sioqqullugit. Taamatut inissittoqarpoq Kâgssagssuk Maniitsumeersoq T-41-mut Aasianneersumut marlunngornermi ualikkut 3-2-mik ajugaareersoq. Taava aamma Nagtoralik Paamiuneersoq aaqqissuisunut SAK-meersunut 2-1-mik ajugaammat suli nalunarluinnarpoq pulje 2-miit kikkut semifinalemut anngutissanersut.
Pulje 1-mi qanoq inissinnissaat pujormiuallaanngilaq. Taama pisoqarpoq Kugsak 45 aamma Eqaluk 56 nunaqarfimmit Ikerasanneersoq 2-2-mik naligiiginnareersut. G-44 Qeqertarsuarmeersoq FC Malamummut peqataasinnaanngitsoqaalunneranit eqqorneqarsimasumut 4-0-mik ajugaavoq taamalu G-44 pulje 1-mik siuartuugallarpoq B-67 tullersortigalugu. G-44 aamma B-67 Eqaluk 56-imut unamminissat kisiat pulje-mi amigaatigaat taamalu ilimanarluinnarpoq taakku marluk semifinalemut anngukkumaartut.
Aajuku marlunngornermi angusat:
Eqaluk 56 – Kugsak 45 2-2
G-44 – FC Malamuk 4-0
T-41 – Kâgssagssuk 2-3
Nagtoralik – SAK 2-1
Aajuna pulje 1-mi inissinnerat:
| 1. G-44 | 3. unamminerit | isertitat 4-0 | 5 point |
| 2. B-67 | 2. unamminerit | isertitat 4-1 | 4 point |
| 3. FC Malamuk | 3. unamminerit | isertitat 4-9 | 3 point |
| 4. Kugsak 45 | 2. unamminerit | isertitat 2-2 | 2 point |
| 5. Eqaluk 56 | 2. unamminerit | isertitat 3-5 | 1 point |
Aajuna pulje 2-mi inissinnerat:
| 1. Kâgssagssuk | 2. unamminerit | isertitat 4-2 | 6 point |
| 2. Nagtoralik | 3. unamminerit | isertitat 3-2 | 6 point |
| 3. T-41 | 2. unamminerit | isertitat 6-4 | 3 point |
| 4. SAK | 3. unamminerit | isertitat 4-7 | 3 point |
| 5. K-33 | 2. unamminerit | isertitat 1-3 | 0 point |
Aajuku pingasunngornermi unamminissat
Nal. 13.00 B-67 – Eqaluk 56 (radio-mi tv-milu toqqaannartumik)
Nal. 15.00 K-33 – T-41 (radio-mi tv-milu toqqaannartumik)
Nal. 17.00 Kugsak 45 – FC Malamuk
Nal. 19.00 Kâgssagssuk – SAK
Aajuna Kugsammiut 2-1-mut isertitsinerit. Eqqaaneqareersutulli anguteqqipput.
