Arpattartoq ikiuiniarnermik aaqqissuussiniarpoq

decembarip 30-at 2004 11:16

Asiami ajunaarnersuarmut atatillugu aamma aningaasatigut ikiuunnissaq Kalaallit Nunaanni najugallit isumaqatigilluinnaraat sinerissamut sianeqattaarnitsinni malugilluarparput ullunilu qaninnerni ikittuunngitsut suli ikiuunniarnissaat pasitsaannarpoq.

Maannamut aningaasatigut tapersiisut siusinnerusukkut taatsiariikkatta ilagaat suliffiutilik Svend Junge, Nuuk, 100.000 kronenik nassiussisimasoq. Aamma ulloqeqqata siorna Nanortallip kommunea nalunaarpoq 6000 kronenik nassiussiniarluni. Borgmester Nikolaj Ludvigsen oqarpoq juullikkunni naalaarniarikkut avataanut atassuteqarsimanatik radiokkut tusaasaqarsinnaaleqqikkamik amiilaarnartoq ajunaarnersuaq tusakkamik siullersarimmassuk ikiuerusuummerneq siunniussimallugu, ilami Kalaallit Nunaata inuisa amerlaqataat tamatuma nalaani oqaatigineqartut assut eqqarsaatigalugit.

Aamma suliffeqarfiit kommunelluunniit tunuliaqutarinagit inunnik ataasiakkaanik suliniuteqartoqalerpoq, soorlu arpattartoq tamatta nalunngisarput, Kim Godtfredsen, ikiuiniarluni tusarnaartitsisoqarnissaanik isumassarsisoq oqaluttuartorlu misigissutsit suut immini eqeersinneqarsimanersut.

TV-kkut takusat eqqortinnangaarmata meerarpassuillu toqusut nammineq aamma meeraqarluni eqqarsaatigalugit isumaqarnerarpoq inuttut ataasiakkaatut pisussaaffigisariaqaripput, suliafiit pioreersut kisiisa aqqutiginagit.

Kim Godtfredsen taamaalillluni ullumimit sianerfigineqarsinnaalluni oqarpoq.

Ikiuijumallutik nalunaareersut ssanitigut Royal Arctic Line 25.000 kronenik nassiussiniartoq tutsiuppoq, Namminersorneerullutillu Oqartussat millioninik ikinnerunngisunik pilersaaruteqartoq pasitsaapparput, naak tamanna suli uppernarsivillugu tusanngikkaluarlugu.