Arnaq inuusuttoq biilertumit aporneqartoq
Sisimiuni eqqartuussiviup angut arfininngornermi iperagaatippaa. Unnerluussisussaatitaasullu aalajangiineq nunatta eqqartuussisuuneqarfianut ingerlatereeraalu aalajangiunneqarpoq angut tigummigallagassanngorlugu tigusareqqinneqartoq, politiininngaanneersoq, Lars Kirkegaard tusagassiuutinut nalunaarummi oqarpoq.
Sisimiuni politiit angummut tallimangormat unnukkut ulorianartumik biilimik malersuereerlutik 17-inik ukiulik tigusaraat,
17-inik ukiulik imigassartorsimatilluni sapiiserluni uloriarnartumillu biilernerata kingorna arnamik inuusuttumik apuisoq,
politiit Sermitsisaq.AG-mut oqarput.
Politiit naapertorlugit arnaq aporneqartoq aqqunartiterneqartorlu Nuummut Dronning Ingridip Napparsimmavissuanukaanneqarpoq.
Arnarli navianartorsiunngitsoq politiit ilisimatitsipput.
Angut inuusuttoq napparummut aporsimavoq, tigusarinninnerup misissuinerillu kingorna politiit aalajangerput, 17-inik ukiulik inatsit tunngaviusoq naapertorlugu tigummigallarneqarnissaanut taarsiullugu sassartinneqassasoq. Taamaattoq Sisimiuni eqqartuussiviup aalajangiinermut isumaqataanatik angut inuusuttoq arfininngornermi iperagaatippaa.
Unnerluussisussaatitaasut aalajangiineq nunatta eqqartuussisuuneqarfianut ingerlatereeraalu aalajangiunneqarpoq, angut apuisoq maanna tigummigallagassanngorlugu tigusareqqinneqartoq, politiininngaanneersoq, Lars Kirkegaard tusagassiuutinut nalunaarummi oqarpoq.
