Arnaq eqqartuussaaqqittoq
Nunatta eqqartuussivianut arnap 43-nik ukiullip eqqartuussummik ingerlatiteqqereernermi kingorna pineqaatissinneqaatini annertusaannarsimavaa.
Allattoq Kenneth Elkjær
januaarip 19-at 2017 12:12
Nutserisoq Erna Lynge
Arnaq Qaqortumeersoq 2016-imi septembariugaa inooqatigisimasaminik 30-nik ukiulimmik toqutsisimanini eqqartuussaassutigaa. Eqqartuussiviup taamani ukiuni tallimani pineqaatissinneqarsimasunut isertitsivimmiinnissaanik arnaq pineqaatissippaat.
Nunatta eqqartuussiviani pingasunngormat ingerlatitseqqiissut suliarineqarpoq, arnaq toqutsinermut pinngitsuutinneqarusuppoq nassuiarlugulu angut imminut ikilertitersimasoq.
Nunattali eqqartuussiviata nassuiaat akuerinngilaa, arnallu pineqaatissinneqarsimasunut inissiisarfimmiinnissaa ukiumik ataatsimik ilallugu ukiut arfinilinngortillugit.
Ilisarisimaqatigiit siorna juunimi unnussiuaaqatigiisillugit sakiaatigut ataasiarlugu kapillugu arnap angut inooqanni toquppaa.
