Assi: KNR

Tekle Ghebrelul Arlalinnik mianersoqqussutinik tunineqareersimasoq

Arsaaffiup sinaani dommeriusup Facebookimi oqaaseqaataa nunanut allanut unammisartut sungiusaasuata Tekle Ghebrelulip soraarsinneqarneranut pissutaavoq.

Arsaaffiup sinaani dommerip takusani tunngavigalugit nassuiaatigisani allanngortippai, taamaakkaluartoq soraarsitsinissamut tunngaviusut naammagineqalerput.

Mianersoqqussutigineqartulli naammattut - GBU-mi siulersuisuni ilaasortaq taama oqarpoq.

- Tekle Ghebrelulip soraarsitaaneranut tunngaviupput, ukiut siuliini, siorna, ukiormannalu pisut pillugit, GBU-mi siulersuisuni ilaasortaq Kent Kielsen oqarpoq.

Taanna oqaluttuarpoq Tekle Ghebrelul siusinnerusukkut kukkussutigisarsimasani pillugit oqaatsitigut allakkatigullu mianersoqqussutinik tunineqartareersoq.

AAMMA ATUARUK Ghebrelul februaarimi soraarsitaasinnaasimagaluartoq

Tekel Ghebrelul mianersoqqussummik tunineqarneranut ilaavoq, nunat tamakkerlugu Futsalerluni pissartanngorniunnermi Maniitsumi apriilip qaammataani pisumi, meeqqamik issuttuisimammat, meeraq taanna ammip qalipaataa pillugu immikkoortitsisumik oqarsimaneragaalluni.

- Maniitsumi upernaaq pisoq aallaavigalugu soraarsitaasimassagaluarpoq, Kent Kielsen oqarpoq.

Kalaallit Nunaanni isikkamik arsaattartut kattuffiani siulersuisut soraarsitsinissamik isumaqataanngillat, taamaattumik Ghebrelul nuna tamakkerlugu sungiusaasutut ingerlaannarpoq, kisianni tassa sapaatip akunnerani kingullermi soraarsitaavoq.

Allaaserisaq arsaaffiup sinaani dommeriusup attaveqatigiittarfimmi Facebookimi oqaaseqaataa, soraarsitsinermut tunngaviuvoq.

AAMMA ATUARUK GBU-mi siulittaasoq soraarsitsisoqareersoq tunuarpoq

B-67 aamma Kagassagssuk anngunnillutik unammineranni Nuummi pisumi, Kagssagssukmiut isertitsimmata Ghebrelul Kagssagssukmiut issiavigisaannut assamminik nittarsaassisimaneragaavoq,

- Arsaaffiup sinaani dommeriusup nassuiaataa aallaavigineqarpoq, taannalu aallaavittut aamma nalilersorneqarpoq, siulersuisunilu aalajangernermi tamanna toqqammavigineqartunut ilaasimalluni, Kent Kielsen taama oqarpoq erseqqissaatigaalu, Kalaallit Nunaani Arsaattartut Kattuffiata timersortartorpalaartumik pissuseqarnissaq pingaartimmagu.

Ghebrelulip sakkortuumik pissusilersortoq arsaattarfiup sinaanni dommeriusartup takusimallugu KNR-imut uppernarsarpaa, unitsinneqarnissaalu pillugu dommerimut nalunaarutigisimallugu.

Soraarsitsineq isummanik akerleriiffiuvoq.

Arsaaffiup sinaani dommeriusup facebookimi allassimasamini DBU-mut nassuiaateqarnermi allanngortippaa.

- Kagssagssuk-mi arsaattartut isertitsimmata isertitsimmata issivigisaminit pissippoq assigiinngitsumillu paasineqarsinnaasumik pissusilersorluni. arsaaffiup sinaani dommeriusoq taama allappoq, taamatullu nassuiaatigisani GBU-p siulersuisuinut nassuiaatigalugu.

AAMMA ATUARUK Unammisartuniiginnissanerlutik nalornissutigaat

 

Tamannali tunngavigalugu Ghebrelul soraarsinneqartariaqanngitsoq John Thorsen isumaqarpoq, soraarsinneqarneranullu tunngavilersuutigineqartoq isumaqatiginagu siulittaasutut tunuarluni.

Taamatuttaaq Futsalernemi ataqatigiissaarisoq aamma nuna tamakkerlugu sungiusaasoq Rene Olsen tunuarpoq.

Nunanut allanut unammisartut arlaqartut unammisartuuginnassanerlutik nalornissutigalugu KNR-imut oqarput.

Nunanut allanut sungiusaasuusimasoq Tekle Ghebrelul KNR-imit attaviginiarneqaraluarpoq, tamannali iluatsisinnaasimanngilaq.

AAMMA ATUARUK Isikkammik arsaattartunut sungiusaasoq soraarsitsisoqarnera akerleralugu tunuartoq

 

AAMMA ATUARUK Sungiusaasup soraarsitaanera Nunatsinni isikkamik arsaannermut innarliivoq

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!