Arfiviit Tunup avannaarsuata imartaaniittut amerliartornissaminnut periarfissaqarsinnaasut
Pinngortitaleriffik Aarhus Universitet suleqatigalugu arfivinnik kisitsisimavoq, kisitsinerillu paasinarsisippaat arfiviit tamaani 100-t missaanniittut.
Arfiviit pineqartut Ruslandimi Franz Josef Landip Tunullu avannaarsuata akornanniittartut Pinngortitaleriffiup nittartakkamini allaaseraa, arfiviillu tamaaniittu arfanniapilunnerit nalaannit aniguisimasut, Pinngortitaleriffiup Aarhus Universitetillu 2009-mi kisitsinerat takutippaat.
Imartami pineqartumi arfanniapilunnerit nalaanni arfiveqatigiit piniarneqartartut ilagaat, ukiullu 100-t matuma siornatigut qaqutiguungaalermata piniassallugit imminut akilersinnaajunnaartut siulliit ilagaat, tassami ilisimatusartut ukiut 100-t sinnerlugit isumaqarsimagaluarput tappavani arfiviit amiakkutuaalersut ikingaarmata nungutaariaannaanissaminnut aarlerinartorsiorsimassaqisut.