Arfiviit nunamut tipisimasut
Arfiviit ilaat qallunaatut Nordkaperenimik taaguuteqartinneqartoq, Atlantikup avannaanni piffissap sivisunersaani nunamut qanittumi uumasuupput.
Arfiviit ilaat 19 meterisut takitigilersinnaavoq.
Arfiviit taakkua nungutaanissaminnut ulorianartorsiortutut isigineqarput, maannalu 500-it missaannaaniissangatinneqarlutik. Taamaammat arfiviit nordkaperit arfineq pingasut piffissami taama sivikitsugimi toqunerat ajunaarnertut isigineqarpoq.
Arfiviit sissamut tipisimallutik toqungasut Canadami nunap immikkoortuini Price Edward Islandimi New Brunswickimilu siumorneqarput, taakkualu misissorneqaleruttorput.
Nutaarsiassaqartitsivimi CBC Newsimi allaaserineqartoq naapertorlugu arfiviit pingasut umiarsuarmit aporneqarlutik toqusimapput.
Arfiviit allat qassutinut napitssimasinnaapput taakkualu aamma misissorneqassapput kiisalu immap pitsaassusia ajorseriarsimanersoq misissorneqassaaq tamanna arfiviit toqunartoqalernerannik kinguneqarsimanersoq paasiniarneqassalluni.
