Arctic Winter Games 2016 Katuamit tapersersorneqarpoq

Kulturikkut illorsuaq Nuummiittoq Katuaq 2016-imi Issittormiut unammiuaaqatigiinnissaannut - Nuummi pisussamut tapersersuilluni siullersaalluni aningaasaliissummik Kissaviarsummik taasamik tapiivoq.
Allattoq Jaaku Lyberth
septembarip 05-at 2014 06:03

Arctic Winter Gameseqarneranut atatillugu kulturikkut aaqqissuussinerit arlaqartut Katuami ingerlanneqarnissaat qulakkeerneqarpoq.

Aningaasaliinermi init atorneqarsinnaasut saniatigut Katuami sulisut marluk misilittagaat pisinnaasaallu atorlugit kulturikkut aaqqissuussinermi sulisorineqassapput.

AAMMA ATUARUK AWG 2016-ip pingaarnertut aningaasaliisussamut isumaqatigiissuteqaqqippoq

Katuami sulisut marluk tassalu teknikkikkut aamma aaqqissuussinermi aqutsisisoq maannamiit AWG 2016-p ingerlanneqarnissaanut pilersaarusiornermi peqataalereerput  januaarimiillu 2016-imit tamakkiisumik AWG 2016-p aaqqissuisuinut sullissilersussaallutik.

- Inuusuttuaqqanut inuusuttunullu aaqqissuussaq taama annertutigisoq suleqataaffigissallugu ajunngitsumillu inerneqartissallugu, Katuamiit soqutigaarput pingaartillugulu, Katuami pisortaq Julia Pars oqarpoq, taassuma issittormiut unammiuaaqatigiinneranni  nunanik peqataasunik Katuap kulturikkut attaveqarnera nukittorsarneqarumaartoq. ilanngullugu neriutigaa.

AAMMA ATUARUK Arctic Winter Games 2016 aningaasaliisussarseqqippoq