Arctic Sport Qaarsut Pilersuisumit aningaasaliiffigineqarpoq
Issittumi pinnguaatinik Qaarsuni peqatigiiffiup ineriartortitsinerata tapersersorneqarnissaa isumaqatigiissummi siunertaavoq:
- Pikkorivillutik unammisartut akornanni Arctic Sports Qaarsut peqataajuaannaqqullugu, kiisalu issittumi pinnguaatinik amerlasuut ingerlatsineranni, kiisalu inuusuttut meeqqallu ineriartortinneqarnissaanni suliniuteqartuaqqullugu, Pilersuisoq taama nalunaaruteqarpoq.
Arctic Sports Qaarsunut aningaasaliinissamik isumaqatigiissut ukiunut pingasunut atuuttussanngortinneqartoq peqatigiiffiup siulittaasuanit Paornanguaq Krusemit KNI A/S-imilu pisortaanermit Peter Grønvold Samuelsenimit atisoqatigiissutigineqarpoq, atisanut, taskinut, allarutinut dunkinullu imeruersaatissanut atorneqartussanut aningaasaliisoqassalluni.
Arctic Sport Qaarsuni peqatigiiffik ukiuni tulliuttuni ukiumut 25.000 koruuninik aningaasaliiffigineqartassaaq, katillugit tassa 75.000 koruuninik aningaasaliiffigineqassalluni.
