Arctic Sounds Festivalip piareersaatini naammassivai

Nipilersoqatigiit nunatsinneersut Islandimeersut, Savalimmiuneersut, Sverigemeersut, Norgemeersut Danmarkimeersullu erinarsortartut, erinniortullu ullut sisamat ingerlaneranni tusarnaatitsisaqattaassaapput, tusarnaartitsinerit 50-it sinnerlugit aaqqissuunneqarsimallutik.

Festivaleqarnissaq sioqqullugu nunat avannarlerninngaannersunut erinniortartunut taalliortartunullu nutaaliornertalinnik pikkorissartitsisoqassaaq.

Pikkorissarneq aamma suleqatigiinnerulernissamut ilisarisimanerulernissamullu periarfissiissaaq, aqqutissiuussisinnaallunilu kalaallit nipilersortartuinut nunani avanarlerni tusaamasaanerulernissamut.

AAMMA ATUARUK Sisimiuni Arctic Sounds festivalertoqalerpoq

Arctic Soundsip ingerlanneqarnissaanut Nordisk Kulturfond 250.000 koruuninik tapiissuteqarpoq, tamatuma saniatigut NAPA, Nunani Avannarlerni Piorsarsimassutsikkut Attaveqaat, nipilersortartut pikkorissarnissamut peqataanissaannut angalanissaannullu tapiissuteqarpoq.

Illoqarfimmi sulliviit arlalissuit aamma tapiissuteqarput. Qeqqata Kommunia Arctic Soundsimut aamma tapersersuivoq tassa ininik, festivalillu meeqqunut sammisaqartitsinissaanut tapiisimalluni, soorlu aamma nunaqarfinnut Itillimut Sarfannguanullu angalanissanut tapersersuilluni.

Arctic Sounds 2015:-imi nipilersortussat maannamuugallartoq allattorsimaffiat:

Kimia (GL)
Thornstone (GL)
Jenseeraq (GL)
Torluut (GL)
Small Time Giants (GL)
Kristian Mikkelsen (DK / GL)
Sturle Dagsland (NO)
My Quiet Companion (SE)
Ivinnguaq (GL)
KimOJax (GL)
Thelma Kajsdottir (GL)
Alcoholic faith mission (DK)
The Pawnshop Preachers (DK / US)
Magnetic Animals (DK)
Klaus Caprani (DK)
Karma Cowboys - unplugged (DK)
Sofia Talvik (SE)
Benjamin Petersen (FO)
Miki Jacobsen (GL)
Bastion (DK)
Atsinnermiut (GL)
Jacob Svendsen (DK)
Ellinor Karlsson (SE)
Elin-Louise Ahlberg (SE)
Jannica Hermansson (SE)
Jakob Schmitz Mouridsen (DK)
spijon (DK)
Jessica (GL)
Christian Winther (DK)
Bellgate People (SE)
Wilhelm Blixt (SE)
CS Nielsen (DK)