NIISIP: Aqutsisut ataqatigiissaarluakkamik sulilerpata sullissineq pitsanngussaaq
Kommuneqarfik Sermersuumi meeqqat sullinneqartut sumiginnarneqarnerat perorsaasut ilinniarsimasut peqatigiiffianniit nakeriallaatigineqarpoq.
-Kanngusuummernarpoq. Kisianni aamma kamaammernarpoq, NIISIP siulittaasua Sara Abelsen KNR-mut oqarpoq.
Inunnik isumaginnittoqarfimmi sullissisut sullitaminnik, soorlu meeqqanik oqaloqateqarnissamik pisariaqartitsisunik innersuussiffissaqartannginnerat aamma sullissinerlutitsilersartoq, Sara Abelsenip oqaatigaa.
-Periarfissat annertunerusariaqarput. Taakku pitsaanerulertinnagit aamma qanoq ilillutik sullissisut pitsaasumik sullississappat neqeroorutissat amigaataappata?
AAMMA ATUARUK Pisortat sumiginnaapput - politikeriunngitsut
Kommuneqarfik Sermersuumi isumaginnittoqarfimmi meeqqanut inuusuttuaqqanullu naammaginanngitsumik sillissineq iliuuseqarfiginiarlugu aqutsisoqarneq sukateriffiginiarneqartoq, ippassaq Qanorooq-mi ilanngutassiarineqarpoq. Tamannalu peqatigiiffiup taperserpaa:
-Isumaginnittoqarfimmi aqutsisut soorunami aqutsisussatut piginnaasaqarluassapput, kisianni aamma inunnik isumaginninnermi sullissinermut paasisimasaqarluartuusallutik.NIISIP:
-Isumaginnittoqarfimmi aqutsisut soorunami aqutsisussatut piginnaasaqarluassapput, kisianni aamma inunnik isumaginninnermi sullissinermut paasisimasaqarluartuusallutik.
AAMMA ATUARUK Meeqqat illersuisuata nakkutilliisut nalunaarusiaat tupaallaatigaa