Aqquserngit quasarnerit politiinut immikkut ulapisitsisut

Politiit illoqarfiit pingaarnersaanni tallimanngornermi suliassaqarluarput. Silap aqquserngit biilinut saarlisaarfissanngortippai.
Allattoq Kenneth Elkjær
decembarip 01-at 2017 14:45
Nutserisoq Connie Fontain

Nittaallat sialuit qerinnarneralu ataatsimoortillugit aqqusinermi angallannermut qanoq kinguneqarsinnaanera KNR-ip aaqqissuisoqarfianit, 400-ertalimmut isikkivikkut takuneqarsinnaalluarpoq.

Biilit tulleriaattorpassuit, biilertut quaattut, biilertullu kussianut nakkarnikut. Politiit aqquserngit quasarneri immikkut ulapissutigat.

- Minnerpaamik sisamanik ajutoortunik saaffigineqarpugut. Kisianni qujanartumik atortunik ajutoornerinnaapput, Nuummi politiini upalungaarsimasut pisortaat, Gedion Qvist oqarpoq.

Taassuma politiit aqqusinermi ingerlaartitsiartortariaqarnerarpai.

- 400-ertalimmi sumiiffinni qassiini aqqusinikkut angallannermi naleqqussaajartorpugut. Biilit aqqusinermi nikeriarneq ajulerlutik uningaannartorpassuupput, taakkulu siuleriiaartitsingaatsiarput, Gedion Qvist oqarpoq.

Taassuma Nuummi biilinik ingerlatsisut angallannermi suli mianersoqquai.