Aqqanilinnik ukiulik Aasianni snifferluni toqusoq

oktobarip 14-at 2004 12:00

Aasianni politiit nalunaarutigaat ippassaq ullo’qeqqaanerani radioaviiseqarnitsinni niviarsiaraq aqqanilinnik ukiulik Jørgine Kleist Brandt Aasianni ujaarineqartoq tusarliussarpoq toqusimasoq nassaarineqartoq. Politiit maanna nalunaarutigaat niviarsiaraq Tipituup sissaani puttasuliat eqqaani ipisimasoq ippassaq ualigaa nassaarigitsik.

Niviarsiaraq pinerliiffigineqarsimanngitsoq politiit erseqqissaatigaat, naatsorsuutigaalli benzinamik naamaarniarsimassasoq, Aasianni politeeqarfimmi pisortaq Niels Tønnesen nassuiaavoq.

Niviarsiaraq benzinamik naamaartoq ippassaq takuneqarsimavoq.

Niviarsiaqqallu aqqanilinnik ukiullip ipiffiata eqqaani dunki 25 literi simeerneqarsimalluni nassaarineqarpoq.

Politiit ilaqutaasut pisumik kallereersimalerpaat.

Ilanngullugu oqaatigaat pisoq alianaqisoq, pingaartumik pinaveersaartitsinermik illoqarfimmi suliniarneq eqqarsaatigalugu, nalunaarutigaalluatuarfiup pisortaata meeqqat ullaakkut katersortillugit pisimasumik ilisimatissagai.