Anthon Frederiksen Partii Naleraq tunuliaqutaralugu qinigassanngortittoq

- Malugisimavara Partii Naleqqap politikkikkut siunertai anguniangaalu uvanga politikkikkut eqqarsartaasinnut qaninnerusut.

- Ilaatigut innuttaasunut qaninnerusumik aamma inuit salliutillugit politikkikkut sullisserusunneq, minnerunngitsumik innuttaasunik qaninnerusumik peqataatitsineq, peqatigiiffiit kattuffiillu assigiinngitsut suleqatiginerullugit paaseqatigiiffiusumik aaqqissuusinissamik suliniutteqarnissaq aamma eqqarsaatigalugu, Anthon Frederiksen tusagassiorfinnut nalunaaruteqarluni taama allappoq.

AAMMA ATUARUK Kattusseqatigiit Partiiat atorunnaarpoq

- Taamaattumik politikkikkut sulinermi misilittakkaka tunngavigalugit sapiunnanga sulerusussusermillu peqarlunga Partii Naleraq tunuliaqutaralugu inatsisartunut qinigassanngortippunga, Anthon Frederiksen taama naggasiivoq.

AAMMA ATUARUK Kattusseqatigiit Partiiat Inatsisartunut qinigassanngorteqqissanngilaq