TALLIMANNGORNEQ Anorlernerata Air Greenland uninngatippaa
Tallimanngorpat Kalaallit Nunaata kitaata sineriaata annersaani anorersuarnissaa silaannaallu aalarulunnissaa aarlerisaarutigineqarmat, Air Greenlandip timmisartuussinerinik tamanik arfininngornermut kinguartitsinermik kinguneqartoq, Air Greenlandimiik nalunaarutigineqarpoq.
Ilaasut 200-t sinnerlugit aqagu angallannissat arfininngorpamut kinguartinneqarpata eqqugaassapput. Tamatuma peqatigisaanik arfininngornermi angallannissat pilersaarutaasut sapaatiuppamut kinguartinneqariaannaapput.
Allakkattaaq nassiussallu tallimanngornermi nassiunneqartut arfininngornermi apuunnissaat aatsaat naatsorsuutigineqarpoq.
Ilaasut eqqorneqartut allannguutit pillugit sms-ikkut, mail-ikkut sianerfigineqarnermikkulluunniit nalunaarfigineqarput.
Tamatuma saniatigut ilaasussat tamarmik timmisartut aallarnissaat pillugit airgreenland.gl aqqutigalugu malinnaaqqullugit kajumissaarneqarput.