Assi: KNR

Annaassiniarnerit taartumi angalaqqusaannginnermit sunnerneqassanngitsut

Qulimiguullit taartumi angalanissaannut malittarisassat nutaat ilaasoqarluni timmisartuussinernut kisimi attuumassuteqarpoq. Angallannermut, Sanaartornermut Ineqarnermullu aqutsisoqarfik nunatsinni Danmarkimilu timmisartuussinermi isumannaassusermut akisussaasoq taama ilisimatitsivoq.

Naak nunarsuarmi tamarmi malittarisassat taartuinnarmi angallassinissaq inerteqqutigigaluaraat, Air Greenland immikkut akuersissuteqarfigineqarluni, piffissaq manna tikillugu taartuinnarmi qulimiguulimmik angallassisinnaatitaasimavoq.

Akuersissulli taanna oktobarip sisamaani atorunnaarpoq, tamannalu nunatta avannaani timmisartuussisarnermut kinguneqarpoq.

- Aalajangiineq isumannaassuseq qulimiguullillu Air Greenlandip maanna timmisartuussinermut atortagai tunngaviupput, Angallannermut, Sanaartornermut Ineqarnermullu aqutsisoqarfimmi allaffimmi pisortaq, Per Schmock oqarpoq.

Per Schmock naapertorlugu qulimiguulimmik silaannakkut angallassisarneq ataasiinnaq taartuinnarmi angalaqqusaajunnaarpoq.

- Malugiuk, malittarisassanik allannguinermi akiliisimasunik ilaasoqarluni angalanerit taamaammaat taartumi angalaqqusaajunnaarput. Malittarisassat Air Greenlandip annaassiniarluni suliaqartarneranut kinguneqassanngillat.

Air Greenlnadip malittarisassat nutaat pillugit angalanissamut pilersaarutini allannguisoqarumaartoq siusinnerusukkut oqaatigaa. Taamaakkaluartorli kiffartuussinissamut isumaqatigiissutertik attatiinnassavaat.

- Timmisartuussinissamut pilersaarutaareersut allannguuteqassanngillat. Taamaalilluta timmisartuussinikinnerulernavianngilagu, Air Greenlandip pisortaanerigallagaa, Jacob Nitter Sørensen KNR-imut oqarpoq.

AAMMA ATUARUK Decembarimut pilersaarutaareersut allannguuteqassasut

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!