Aningaasarsiat sulinermilu atugassarititat pitsaanerusariaqartut
- Akissarsiat pitsaanerulersinnerisigut taamatut ilinniagaqarsimasut kommunini sulilernissaminnut periarfissaat pitsaanerulersinnaammata, aningaasaqarnermut ataatimiititaliami siulittaasoq Siumumeersorlu Jens Immanuelsen oqarpoq.
Aamma atuaruk Akissarsiat amerlanerusut Kommune Kujallermit piumasarineqartut
Aamma atuaruk Aamma Sermersooq amerlanernik akissarsiaqartitserusuppoq
Kommune Kujalleq aningaasanik isumaqatigiissutigineqartunit amerlanerusunik isumaginninnermut siunnersortinut aningaasarsiaqartitsisinnaanissamik kissaateqarluni aningaasaqarnermut naalakkersuisoqarfimmut saaffiginnippoq, tamatumanilu Kommuneqarfik Sermersuumit taperserneqarluni.
Jens Immanuelsen Nuup avataani sulinermi tapisiaqartartitsinissamik kissaammut isumaqataaqaaq.
Atugassarititat pitsaanerusariaqartut
Aningaasarsiat ikerujussuanngitsut, Demokraatit sinnerlugit aningaasaqarnermut ataatimiititaliami ilaasortaq, Tillie Martinussen, isumaqarpoq, paragraf 37-lu naapertorlugu apeqquteqaammik akissuteqaat innersuussutigalugu. Aningaasarsiaqarnerutitsinissarli eqqarsaatigineqartariaqarsoraa.
Aamma atuaruk NIISIP: Nuna tamakkerlugu akissarsiat qaffallik
Isumaginnittoqarfinnili sulinermi aporfiusinnaasut allat aamma isiginiarneqartariaqartut, Demokraatineersoq isumaqarpoq.
- Assersuutigalugit isumaginninnermi sulisut aqunneqarnerat. Ilitsersorneqarnersut, sulinerminnilu misigisartakkatik pillugit annissassaqaraangamik oqaloqatiginnittarnersut. Sulinerminni sakkortuumik aqqusaagaqarsinnaasarmata ikiorneqartussaapput, Tillie Martinussen oqarpoq.
Kommunillu taamannak piumasaqarnerat Inuit Ataqatigiinneersup, Peter Olsenip, aamma paasisinnaalluarpaa.
Suliassat amerlanerpaaffilikkat
- Aningaasarsiaqarnerup tungaatigut kajuminnarnerulersittariaqarparput. Taavalu suliassat amerlanerpaaffilerneqarnissaat taassumallu saniatigut ilinniartitsinerit, pikkorissaanerit atugassarititallu assigiinngitsut pitsanngorsarneqartariaqarput, aningaasaqarnermut ataatimiititaliami ilaasortaq, Peter Olsen, oqarpoq.
Qaasuitsup Kommunia siunnersortinik sulisoqarnerulerniarluni killileriikkamik atorfinitsitsisalerniarpoq.
Aamma atuaruk Qaasuitsumi killissaleriikkamik atorfinitsitsisoqarniarpoq
Ilisimasalli qimaguttarnerat innersuussutigalugu, periarfissaq tamanna pitsaavallaanngitsoq, Jens Immanuelsen isumaqarpoq.
Isumaginninnermut siunnersortit aningaasarsiaqarnerunissaat pillugu maanna isumaqatigiinniarnerit pillugit aningaasaqarnermut naalakkersuisoq Randi Vestergaard Evaldsen oqaaseqarusunngilaq.
