Aningaasaateqarfik Sermeq agguaasseqqittussanngortoq
Kommuneqarfik Sermersuup kulturikkut suliniutinut tapiissuteqartarfia Sermeq Tapiissuteqararfik maanna qinnuteqaateqarfigineqarsinnaalerpoq. Kommuneqarfik Sermersuup nittartagaani tamanna atuarneqarsinnaavoq.
Allattoq Karsten Sommer
septembarip 27-at 2017 07:45
Nutserisoq Mads Lynge
Kulturikkut eqqumiitsuliornikkullu piginnaaneqarluartut qinnuteqarsinnaapput.
Kultureqarnermut immikkoortitat kulturikkut suliaqarnermi nutaanik misileraaffiusunik pilersitsinissamut kulturimillu suliaqartut assigiinngitsut, namminersorlutik inuussutissarsiortut kommunimilu innuttaasut akornanni suleqatigiinnermik siuarsaanermut atorneqassapput, kommunimilu innuttaasunut tikeraartunullu kulturikkut ingerlatanut tapiissuteqartoqarsinnaalluni.
Sermeq Tapiissuteqartarfimmut qinnuteqarniaraanni tamanna kingusinnerpaamik sapaatiuppat oktobarip aallaqqaataani pissaaq, qinnuteqaallu kultur@sermersooq.gl-imut nassiunneqassalluni.
