VIDEO Angutit siullermeerlutik ivigaasani pissartanngorniutissasut
Angutit arsaattartut nunatsinni pissartanngorniutilerpata arsaattarfik nutaaq ivigaasaasoq atorneqassaaq.
Tamannalu arsaattartut ilaata qilanaaraa.
- Qilanaaqaanga. Qangali arsaaffik taamak ittoq utaqqinikuuarput, Malik Juhl, nunanut allanut unammisartoq, manna IT-79-imi Nuummeersumi arsaattartoq, KNR-imut oqarpoq.
Taassuma nunani allani unammisarnermini ujaraaqqani sioqqanilu arsaanneq ivikkani ivigaasanilu arsaannermut sailliullugit assigiinngissuteqartut ilisimavaa.
- Ivigaasani arsaq aqukkuminarnerusarpoq arsaannerlu sukkanerusarluni.
- Sioqqaniilluni panertoornartorujussuusarpoq. Qanittumi Danmarkimiikkatta ivigaasani arsaalluta nuannerneruvoq, Malik Juhl, siornatigut B-67-imi arsaattartoq, oqarpoq.
Qanoruup ilanngutassiaa alaaserisap qulaaniittoq takuuk.