Angutit marluk toqutsinertik filmiliarigaat
Toqutsineq sakkortooq ukiuni arfineq marlunni paarnaarussassanngortitsinermik Qaasuitsup eqqaartuussiviata nalilerpaa. Unnerluusaasulli pinngitsuunerarluni suliaq Nunatta eqqartuussisuuneqarfianut ingerlateqqippaa.
Angutip 62-inik ukiullip Ilulissani siorna inuartarineqarnera pinerluttunit filmiliorneqarpoq.
Toqutsisutut pasineqartup toqutaasoq niaquatigut igamik amerlasooriarluni anaaleraa, kingornalu nuugissumik suussusersineqanngitsumik aamma niaquatigut anaaleraa, unnerluussummi atuarneqarsinaavoq.
Taava unnerluussaasup unnerluutigisaasup aappaanut filmiliareqquutigaluni pinerluffigineqartoq ledningimik qimikkaa, unnerluussummi nangilluni allassimavoq.
Taava unnerluussaasut ikioqatigiillutik pinerlineqartoq kuuffimmut nivinngarpaat, taassuma aaverunnini toqqutigqalugu.
33-nik 39-llu ukiulinnut unnerluussutit Qaasuitsup Eqqartuussivianiissunneqareerput. Angutilli aappaanut, toqutaasumut anaalerisutut pasineqartumut, toqutsisimasutut pisuutinneqarpoq. Qanorli sivisutigisumik pillarneqassanersoq suli aalajangerneqarani.
Angut pisumut filmiliortutut taaneqartoq pinerlussimasunut ukiuni arfineq-marlunni inissiisarfimmiittussanngortinneqarpoq. Tassalu taassuma eqqartuunneqarnini pinngitsuutinneqarnissani piumasaralugu suliareqqitassanngortippaa.
