Assi: Beverly/Flickr Creative Commons

Angutit inuusuttut Danmarkimi inissaqaratik danskisoorsinnaanatilluunniit nuuttartut

Kalaallit inissaminnik suliffissaminnillu qulakkeerinneqqaaratik Danmarkimut nuuttuni angutit inuusuttut amerliartorput.

Isumaginnernermik suliaqartut kalaallinik napitaqartartut tamanna maluginiagaqarput.

- Ukiut kingulliit angutit inuusuttut Danmarkimut nuuttarput, Kalaallit illutaanni Arhusimiitumi isumaginninnermut sullissisoq Benigne Fleischer taama oqarpoq.

Danmarkimi angerlarsimaffeqanngitsut katillutik 6.635-iusut 7 procentii Kalaallit Nunaanneersuusut, tassalu 465-it missarpiarigaat, atugarisaarneq pillugu naalagaaffiup ilisimatusarfianit angerlarsimaffeqanngitsut pillugit nalunaarusiami ukioq manna septembarimeersumi oqaatiginarpoq. Taakkunanilu angutit inuusutut amerlasuujusut, Københavnemi Kofoed Skolep kalaallinut sullissiviani Naapiffimmi sulianut aqutsisip Susanne Mejerip taperserpaa.

- Angutit inuusuttut suli amerlanerusuusut isumaqarpunga, Susanne Mejer, Naapiffimmi ukiut qulit sinnerlugit aqutsisuusoq, oqarpoq.

Taassumalu oqaluttuaraa, inuusuttut Danmarkimut nuuttartut Kalaallit Nunaanni illoqarfinni tamanit aggersuusut, taakkua nutatsinni nammineq inigisaqanngitsuusut inissaqannginnertik qatsullugu Danmarkimut nuuttuusut.

Danmarkimut nuuttunit ilarpassui qallunaatut oqalussinnaanngitsuusut Susanne Mejer aamma oqarpoq. Kalaallit Illuutaannit Københavnimiittumi aamma taamaattunik takusarput:

- Ilinniagaqarsimanngitsut aamma qallunaatut oqaatsinik paassinnissinnaanerat killeqartarput, Kalaallit Illuttaanni Købehavnemiittumi isumaginninnermut sullissisoq Leoma Andreassen taama oarpoq.

AAMMA ATUARUK Københavnimi kalaallit angerlarsimaffeqanngitsut juullisioqatigiissinniarai

Piareersaqqaarani Danmarkimut nuunnginnissaq Aarhusimi Kalaallit Illutaanni sulisup kaammattuutigaa.

- Danmarkimi suliffisaqarniarneq ajornartupilussuuvoq, qallunaatut oqalussinnaanngikkuit, ingerlaannarlu qallunaatut oqalussinnaaneq ilinnianngikkukku, kalaallit suliffissanik neqeroorfigineqarsinnaannginnerat paasitikkusullugu, Kalaallit Nunaanni paasisitsiniaasoqarnissaa Benigne Fleischer Aarhusimi Kalaallit illuutaanni isumaginninnermut sullisisup kaammaattuutigaa.

Kalaallit Nunaanni inunngorsimasut Danmarkimi najugaqartut tamarmik januaarip aallaqqaataani katillugit 16.370-iupput.

AAMMA ATUARUK Hjemløse er ikke ens

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!