Angut utoqqaq qiulluni toqusoq
Qaqortumi angut utoqqaq qiulluni toqusimavoq. Politiit KNR-imut tamanna uppernarsarpaat.
Allattoq Kenneth Elkjær
Nutserisoq Simon Uldum -
Angut 75-inik ukiulik Qaqortumi illut akornanni toqungasoq marlunngornermi ullup qeqqata missaani nassaarineqarpoq. Kingorna toqusumik misissuisoqarneratigut paasineqarpoq angut qiulluni toqusimassasoq.
Saneqquttut nalaatsornerinnakkut angut toqungasoq nassaarisimavaat politiinullu, kingunitsianngua orniguttunut, kalerriutigisimallugu. Nunap immikkoortuani pisortaq Laila Fleischer taama ilisimatitsivoq.
- Paasiniaanerput naammassileruttorparput, pinerluttuliortoqarsimaneranullu takussutissaqanngilaq, pisortaq oqarpoq.
Angut pineqartoq ataasinngormat unnukkut kingullermik takuneqarpoq. Qanigisai kalerrinneqareerput.