Angut inuusuttoq toqutsisutut pasineqartoq
Angut inuusuttoq arnamik toqutaasimasumut atatillugu Sisimiuni eqqartuussivimmut sassartinneqassaaq.
Kalaallit Nunaanni politiit KNR-imut taama paasissutissiipput.
Angutip eqqartuussivimmut sassartinneqarnissaanut aalajangerneq pissuteqarpoq, pinerluffigineqarsimasumi takussutissat angutillu killisiorneqarnerani.
Taama oqarpoq, pinerluttoqarsimaneranik paasiniaasartut pisortaat Jan Lambartsen .
Arnap toqutaasup kinaanera Jan Lambartsenip paasissutissiissutigerusunngilaa.
Drab i Grønland siden 2015
2015: 4
2016: 3
2017: 6
2018: 4
2019: 5
2020: 5
2021: 3
Kilde: Grønlands Politi
2022-ip qaammataani pingasuni siullerni nunatsinni sisamanik toqutsisoqarpoq.
Ukiup siulianut sanilliullugu siorna pingasunik toqutsisoqartoq.
Angut 18-inik ukiulik nunaqarfimmit Sermiligaameersoq januaarip aallaqqaataani tigusarineqarpoq angummillu 42-nik ukilimmik toqutsisimasutut unnerluutigineqarluni.
Angut 48-nik ukiulik toqungasoq Tasiilami inissiami ullut marluk qaangiummata nassaarineqarpoq, inooqatigisaalu toqutsisutut sivitsunngitsoq unnerluutigineqarpoq.
Angut 57-inik ukiulik nunaqarfimmi Niaqornani qoorortuumit aallaaneqarnermi kingornatigut toqusimasoq politiit arfininngormat nalunaarput . Pisumi tassani angut 38-nik ukiulik tigusarineqarpoq toqutsisimasutullu unnerluutigineqarluni.
