Angut allarsuarmit niaqqumigut kiitittoq
Angut inuusuttoq 19-inik ukiulik Coloradomi tammaarfimmi sulisoq sapaammi ullaassakkut iterami tupassimaqaaq.
Niaqqumini qaqquluppalussuaq itissutigigamiuk, pileriallaraa nannumit allarsuarmit niaqqumigut kiitissimalluni sinngupuuminit amutilerluni.
- Qaqqulussuaq tassaasimassaaq nannup kigutai niaqquma saarnganut kapputtut, sulisoq oqaluttuarpoq.
Angut allarsuup meterit sisamat missaannik uniakattareeraani qimaasimavoq.
Imminut illersorniarluni allarsuaq arlaleriarlugu anaarluttarsimavaa. Sulisut allat kinguninngua ornigupput allarsuarlu nilliaffigiitigalugu atortunik milluulerpaat.
Angut inuusuttoq napparsimmaviliaanneqarpoq suliarineqarlunilu.
Allarsuit qaasuttuunngillat, kisianni USA-mi inunnik sapaatit-akunnerini arlalinni kingullerni saassussillattaasimapput.
Alaskami inuit marluk allarsuarnit juunimi toqutaapput.