Angu Motzfeldt Nordisk Koncertkorilu qaqutigoortumik suleqatigiittut

Nunatsinnit erinarsortartoq, taalliortorlu, Angu Motzfeldt Nordisk Koncertkorillu katinngarmik Katuami unnugu ataasinngornermi nalunaaqutaq 20 tusarnaartitsilerpata qaqugutigoortumik nipilersornikkut suleqatigiinneq tusarnaarneqarsinnaavoq.

Tusarnaartitsinermi Angup taallaatai arlaqartut nipilersortartumit aaqqissuussisumillu Ole Kibsgaardimit pingaartumik Nordisk Koncertkorimut aaqqissuunneqartut atorneqassapput.

Tamatuma saniatigut Nordisk Koncertkorip atortagai nutaat pisoqqallu tusarnaartitsissutigineqassapput, taamaammat nipilersornerit allanngorartuussasut, erinarsoqatigiit tusagassiutinut allapput.

- Angup suleqatiginera, erinarsuutaalu tusarnersut suleqatigiissutiginerat pissannganarpoq, erinarsoqatigiit aqutsisuat, Bente Colding-Jørgensen suleqatigiinnertik qaqutigoortoq pillugu oqarpoq.

- Angup atuisarneranut erinarsoqatigiinnullu 30-nut tulluartumik pilersitsiniarnerput, ilunngunartumik alianaatsumik tusarnaartitsinissamik iluatsitsiffiusoraara, Bente Colding-Jørgensen oqarpoq.

Katuami unnugu 20.00-imiit 21.00-imut tusarnaartitsisoqassaaq – iserneq akeqanngilaq.