Politikki

VIDEO Angerlarsimaffeqanngitsoq Inatsisartunut qinigassanngortittoq

Hans Peter Ananiassen ukiuni tallimani angerlarsimaffeqanngitsutut inooreerluni, nunatsinni angerlarsimaffeqanngitsut 500-t missaanniittut inuuniarnikkut atugarisaat iliuuseqaqataaffiginiarlugit Inatsisartunut qinigassanngortippoq.

Allattoq Bikki P. Kleist

oktobarip 30-at 2014 11:23

- Soorunami aamma angerlarsimaffeqanngitsunik ilaqartariaqarmata, sassarsinnaasutut misigisimagama qineqqusaarniarlunga nalunaarsimavunga.

- Nunatsinni angerlarsimaffeqanngitsuunerup ullumikkut annertusinerata annikillisarnissaa suleqataaffigerusukkakku, Hans Peter Ananiassen KNR-imut oqarpoq.

Aamma atuaruk 73-nik ukiulik tupermi qiulerluni najugaqartoq

Inuiaqatigiinni nipaallutik inooqataasut inuuniarnermikkut atugaat aallarniutiginiarpai inatsisiliornerullu allanngortinneqarnissaa sulissutiginiarlugu:

- Inatsisit atuuttut aallaavigalugit tassuunatigut angerlarsimaffeqanngitsuunermik akiuiniarsinnaaneq Inatsisartutigut suliniuteqarsinnaagatta, Hans Peter Ananiassen taama oqarpoq.

Hans Peter Ananiassen Partii Naleraq tunuliaqutaralugu qinigassanngortippoq. Nuummi Kialaarfimmi 2009-miilli unnuisarpoq.