AWG2016 Angerlarartitsinersuaq pilersaarutit malillugit ingerlavoq

Timersortartorpassuarnik AWG2016-mi peqataasimasunik angerlarartitsineq pilersaarutit malillugit ingerlavoq, AWG2016-mi aaqqissuisut taama nalunaarput.

Sapaatip akunnerata siuliani kinguaattoorfioqisumut sanilliullugu, angerlarartitsineq pisariitsunnguamik ingerlavoq.

Nuup Kangerlussuullu akornanni uteqattaarluni angallassinermi sila aamma atoruminarsimavoq. Arfininngormat unnuakkut marlunut angerlarartitsineq aallartippoq, arfininngornerullu unnukkuani quligiluanut naammassinissaa naatsorsuutigalugu, AWG2016-mi pisortap tullia Arnakkuluk Jo Kleist oqaluttuarpoq.

- Kangerlussuarmiit timmisartunik attartukkanik ingerlaqqissapput. Timmisartut attartukkat kingulliit pilersaarutit malillugit unnuap qeqqata nalaani qangattassasut,  AWG2016-mi pisortap tullia oqarpoq.

- Tamatuma saniatigut timersortartut Nunavimmiit Nunavummiillu Nuummiit angerlamut toqqaannartumik timmisartuunneqassapput. Kalaallillu timersortartut, saamit russillu Yamalimeersut timmisartut naliginnaasut atorlugit ataasinngorpat angerlartinneqassapput, AWG2016-mi pisortap tullia Arnakkuluk Jo Kleist oqarpoq.