Danmarkimi najugaqartutut nalunaarsorneqarsimagaanni Danmarkimi oqarasuaatip normuata nunatsinni atorneqarsinnaanera Danmarkimi CBB mobilip KNR-imut ilumoornerarpaa.Assi: Phil Campbell/Flickr Creative Commons

Angallattakkanut attaveqaammik nunatsinni neqeroortut

Danmarkimi mobilimut attaveqaammik pisartagaq nunatsinni piffissami aalajangersimasumi ilassutitut akiliinngikkaluarluni atorneqarsinnaavoq. Danmarkimi CBB mobilimut attaveqaammik pisartagaq akileerujussuanngikkaluarluni nunatsinni ukiup affaani atorneqarsinnaavoq.

Danmarkimi najugaqartutut nalunaarsorneqarsimagaanni Danmarkimi oqarasuaatip normuata nunatsinni atorneqarsinnaanera Danmarkimi CBB mobilip KNR-imut ilumoornerarpaa.
Danmarkimi normorisaq nunatsinni qaammatini sisamani atorneqarsinnaavoq, tamannalu kalaallinut ilinniagaqartunut atuanngiffeqarnerminni nunatsinniittunut imaluunniit allanut piffissami sivikitsumi nunatsinniittunut iluaqutaasinnaavoq.

Telemmi nioqqutigisaanik atuisuuneq akikitsuinnaanngilaq, CBB mobilip nioqqutigisaanut sanilliutissagaanni.
Akitigut nikingassutaasoq annertuvoq. Tele Post-imi Tusass Plusseqaraanni 10 gigabytenut 1049 koruunit akiliutigineqartarput, CBB-milu gigabytet amerlaqataat qaammammut 199 koruuneqarlutik.

Tamannalu unioqqutitsinerunngilaq CBB-llu Tele Post-mut isumaqatigiissutaata ilagalugu.

- Soorunalimi taamatut unammillertigivagut, taamatut suliaqaratta tamatta, kisianni CBB mobil taamatut uangut sullitarivagut aamma akiliillutillu uatsinnut.

Tele-Postimi attaveqaqatigiinnermut pisortaq, Arnakkuluk Jo Kleist, taama oqarpoq.

Tele Post oqarasuaatinik angallattakkanik attaveqaatinut kisermaassisussaatitaavoq, Danmarkimili mobilinut ingerlatseqatigiiffiup roamingimik nunatsinni atuinera akornutissartaqanngilaq.

- Kisermaassineq taanna imaanngilaq atorunnaartoq, imaappoq CBB mobiili Tele Post-iminngaanniit taamatut nunani allani telefoni atorsinnaanerani isumaqatigiissummik sananikuupput, soorlu uagut aamma nunanut allanut taamatut atuisugut aamma telefooni aamma atorsinnaagaat, Arnakkuluk Jo Kleist KNR-imut oqarpoq.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!