Angalaqatigiit atornerlugaasimasunik 500-nik katsorsaasut

Inersimasorpassuit meeraanerminni kinguaassiutimikkut atornerlugaanertik pissutigalugu kingunerlutsitsisut katsorsarneqarnissaat siunertaralugu angalaqatigiit 2013-imi pilersinneqarput.

Pilersinneqarneriniillu, tarnip pissusiinik ilisimasallit angalaqatigiit inuit 500-it katsorsarsimavaat.

Katsorsaanerillu ilaqutaanerat takuneqarsinnaaleriartorpoq.

- Katsorsaanerit sutigit tamatigut pitsaasumik iluaqutaanerat takusinnaalereerparput, Ellen Magnussen, Isumaginninnermut aqutsisoqarfimmi immikkoortortaqarfimmi pisortaq taama oqarpoq.

AAMMA ATUARUK Naalakkersuisut angalaqatigiittartui Nunani avannarlerni maligassiuisuussapput

Katsorsaasoqaerneranik iluaquteqarsimasut ilagaat 32-nik ukiulik Arnajaraq Joelsen, taanna meeraanermi kinguaassiutimigut atornerlugaasimavoq.

- Inuuninni assut iluaqutigaara. Imminut tatiginerulerpunga. Killissat sumiinneri ilinniarpara, aamma imminut paarinissamik meeqqannut ingerlateqqissinnaasakka siornatigut ernummarigisimagaluarpakka. Meeqqakka qanoq ilinniartissanerlugit maanna nalornisigiunnaarpara. Tamanna assut pingaartipparta, Arnajara Joelsen oqarpoq.

Angalaqatigiit 2013-imi aallartimmata katsorsaasut aqqaniliupput. Karsorsaasut sinerissami maanna angalatinneqartut quliupput.     

AAMMA ATUARUK Angalaqatigiittartut sulinerat iluatsilluartoq

AAMMA ATUARUK Angalaqatigiittartut amerlilerput