VIDEO Angalaleraangavit sillimmasertarpit

- Siornatigut angalaaraangatta feriearaangatta atorfissaqartinneq ajorsimagatsigu, taammaattumik eqqarsarpugut, "Ajunngilaq, misilinniartigu, immaqa ajortoqarnavianngilaraasiit.", Maritha Eugenius Labansen oqarpoq.

- Taakkua billetsisiffikka oqaaseqanngimmata eqqarsaatigalugu immaqaana ilaasimasoq, Birthe Esrassen oqarpoq.

Taamaattoqanngilarli.

- Angalasut nammineq aalajangertarpaat taanna nammineq pisiarissanerlugu.

Aamma atuaruk Nunanut allanut angalannginnermi sillimmasersimanissaq pingaaruteqarpoq

- Angalanerup nalaani qanoq pisoqassagaluarpat arlaatigut nappaalasoqariataarluni niuiartuussagaluarunik imaluunniit arlaatigut ajuissumik pisoqarluni ajunaartoqassagaluarpat illersuutaasussaq forsikringeq, Esther Jensen Grønlands Rejsebureaumeersoq oqarpoq, taakkulu angalasut forsikringit pillugit ilisimatissallugit pingaartittarpaat.

Danmarkimiitilluni pinartumik ajoqusertilluni akeqanngitsumik suliaritittoqarsinnaavoq, pinartuunngippalli naammineq akilerneqassalluni. Angalanermi siilimmasersimanissaq Peqqinnissaqarfimmiit innersuussutigineqarpoq.

Sillimmasersimanerlu angalasumut iluaqutaasinnaasoq Tiinannguaq Lyberthip uppernarsarsinnaavaa.

- Ukiut tallimanngulerput matuma siorna oorujussuarama feeriarluta, taava nakorsaatit assigiinngitsut Parisimi atortukka taavalu cremit assigiinngitsut utertippakka, aningaasartai, uppernarsaatit taakku atorlugit, oqarpoq.

Angalanissamut sillimmasernissaq pillugu nittartakkami peqqik.gl-imi misisissuisoqarsinnaavoq.