Angajoqqaat Kommuneqarfik Sermersuumit siunnersorneqarsinnaasut
Angajoqqaat siunnersorneqarnissamik pisariaqartitsisut Meeqqanik Inuusuttunillu Siunnersuisarfimmit, Misimit, ikiorneqarsinnaapput, Meeqqanut Ilaqutariinnullu Sullissivimmit siunnersorneqarsinnaallutik.
- Meeqqavit perorsarneqarnerat ajornartorsiutaappat, ilaqutariit akornanni oqqattoqarpallaartarpat imaluunniit ilaquttanut atugassarititaasut ilaquttavillu pitsaasumik ineriartortinneqarnissaat isumakuluutigigukku taava Meeqqanut Ilaqutariinnullu Sullissivimmit siunnersorneqarsinnaavutit, Kommuneqarfik Sermersuumi Meeqqanut, Ilaqutariinnut Atuarfeqarnermullu ingerlatsivimmi pisortaq Helene Broberg Berthelsen, tusagassiuutinut nalunaarummi allappoq.
Meeqqavit ineriartornera ilikkarsinnaaneraluunniit ajornartorsiutaappata, soorlu meeqqanut allanut naleqqiullugu oqalunniarnikkut kingusissumik ilikkariartorpat imaluunniit meeqqavit atuariartornissani soqutigiunnaarpagu:
- Angajoqqaat ilaqutariinnerminnik meeqqaminnilluunniit ajornartorsuteqartut inakkusuppakka kommunip siunnersuisarfianut saaffiginninnissaannik. Ilorraap tungaanut alloriarneq tassaasarpoq, ilorraap tungaanut namminneerlusi aaqqeriarnissaanut siunnersuinermik ilinniagalinnik oqaloqateqarnissaq aallarniutaasinnaavoq pitsaasoq, Helene Broberg Berthelsen oqarpoq.
