Ammassaat ujaranngornikut nassaarigaat
Ilisimatuut pinngortitami assigiinngitsut ilisimatusarneri inuusuttut malinnaaffigaat.
Peqataanini siunissami sumik ilinniagaqalernissaminut aalajangiisuusinnaasoq, Sisimiuni ilinniarnertuunngorniarfimmi GUX-imi atuartoq Lars Karl Petersen oqarpoq.
- Imaassinnaasoq arlaannut ingerlaqqissaguma taakkununnga biologinut geologinulluunniit paasisakka atoqqeriataarsinnaagikka, Lars Karl Petersen atuartoq oqarpoq.
Silaannareqaaq
Pinngortitamik ilisimatusarluni aasaanerani atuarnermi nunatsinneersunik, USA-meersunit Danmarkimeersunillu peqataasoqarpoq.
Peqataasut ilagaat 17-inik ukiulik Adam Nayak, Amerikami Portlandimeersoq. Kalaallit Nunaannukarnialerami sermiinnarsuarmukalersorisimavoq. Tikitanilu allaanaaqaa.
AAMMA ATUARUK Canadami inuit inuusuttaat ilisimatusarneq pillugu katerisimaartinneqartut
- Silaannareqaaq sunalu tamarmi eqqissisimanarluni. Pinngortitaq tupinnaqaaq, inuuninni aatsaat taama kusanartigisumik takuvunga, Adam Nayak oqarpoq.
Nutaarsinartoq
Pinngortitarlu ilisimatusarfigalugu nassaassaaleqinanngitsoq, Lars Karl Petersen oqarpoq.
- Uumasut toqunikut saarngi ujaqqaniittut nassaassaasorujuupput. Ammassannulluallaat iluittunut nassaariortoratsigit, Lars-Karl Petersen oqarpoq.
AAMMA ATUARUK Røde Kors meeqqanut tammaarsimaartitsilerpoq
Amerikamiuaqqallu nunatsinni ilisimatusaqqinnissani pileritsaassimavaa.
- Periarfissinneqaqqissagaluaruma ilisimatusaqqikkusukkaluarpunga, Adam Nayak oqarpoq.
Pinngortitamik ilisimatusarneq juulip 27-ata tungaanut ingerlanneqassaaq.