Amerikamiut inatsisartuini ilaasortaq aallaaneqartoq
USA-p inatsisartuini ilaasortaq, Stephen Scalise, illoqarfimmi Alexandriami, Virginiamiittumi, baseballimik sungiusartilluni aallaaneqarsimavoq. Nutaarsiassaqartitsivik Reuters taama allaaserisaqarpoq.
Stephen Scalise inatsisartut aappaanni republikanerit ilaasortaasa akornanni qasusuilluni kaammattuisartuuvoq.
- Siffissamigut aallaaneqarpoq, inuunerminilli ulorianartorsiunngilaq, USA-p inatsisartuini ilaasortaq Mo Brooks, republikanerineersoq annaassiniaqataasimasoq, oqarpoq.
Aallaasersortoq aallaammik eqqarasuartaammik 50-t 100-llu akornanni eqqarsimasoq Reuters allappoq. Inuit arlallit ikilerneqarsimasut Fox NEWS allaaserisaqarpoq.
Amerikamiut inatsisartuisa baseballertartuisa sungiusarneranni saassussineq pivoq.
Aallaammik eqqarasuartoqarnerani USA-p inatsisartuini ilaasortat 25-t missaanniittut sungiusarsimapput, taakkulu saniatigut atorfilittaq paarsisullu qulinit amerlanerusut najuussimallutik.
Saassussisup tungaanut eqqartoqarsimavoq, saassussisulli qanoq innera massakkuugallartoq ilisimaneqanngilaq. Taamaattoq politinit tigusarineqarsimasoq oqaatigineqarpoq.
/ Ritzau