Amerikamiu pillakkatut sulerulutsitassatut Korea Avannarlermi eqqartuunneqarpoq
AFP naapertorlugu, Kinami nutaarsiassaqartitsivik Xinhua taama allaaserisaqarpoq.
Tamanna amerikamiup ilinniartup Otto Wambierip allagartamik propagandamut atortumik tillitaqarsimasutut ukiuni 15-ini pillakkatut sulerulutsitassatut eqqartuunneqarneranit sapaatit akunnerisa arlaqanngitsut qaangiutereerneranni pivoq.
Kim Dong-chul 62-inik ukiulik 1987-imili USA-mi innuttaasoq, kilitsissiatut sulisutut pasineqarluni oktoberimi tigusaavoq, qaammallu ataaseq matuma siorna sakkutuut isertugaataannik tillissimalluni filmiliaritiutigaluni nassuerutigaa, saammaanneqarnissanilu kissaatigalugu.
Taamatulli saqqumernera Korea Avannarliup aqutsisuinit aaqqissuuneqarsimasoq, USA-mit isumaqartoqarpoq.
Nunanit allaneersut Korea Avannarlermi tigummigallarneqartut, pinerluutiminnik atuartinneqarajuttarput.
/ritzau/AFP
