Allanik kattuteqateqarnissaq akerleriissutaavoq

Kommunit kattussuunneqarnissaat Nuummi kommunalbestyrelsep isumaqatigiinngissutigaa.

Nuup kommunalbestyrelsiani Atassut Demokraatit Kattuseqatigiillu isumaqarput Nuuk kommunemut allamut kattutsinneqartariaqanngitsoq, tamanna kommunalbestyrelsep kingullermik ataatsimiinneranit imaqarniliami atuarneqarsinnaavoq.

Maniitsup Paamiut imaluunniit Ivittuup Nuullu kommuneqarfiisa kattutsinneqarsinnaanerannut Siumut sinnerlugu kommunalbestyrelsemi ilaasortat borgmesteri Agnethe Davidsen ilanngullugu ammanerupput.

Kommunalbestyrelseli tamarmiusoq isumaqarpoq Nuuk illoqarfiit pingaarnersaattut inissisimaannartariaqartoq, tamannalu pillugu Aaqqissuussaanermut Isumalioqatigiisitaq aaqqiissutissamik nassaarniartariaqassasoq.

Aaqqissuussaanermut Isumalioqatigiissitap Nuuk pillugu siunnersuutaa kommunemut apriilip tallimaanni qinersereernerup kingorna kommunalbestyrelsemit nutaamit isummerfigineqassasoq Nuummi kommunalbestyrelse naliliivoq.