Allakkat poortukkallu juullertinnagu apuutissapput

decembarip 22-at 2004 17:17

Sila ajornartorsiortitsigaluartoq allakkat poortukallu apuuffissaminnut apuutissasut Teleposti neriorsuivoq.

Immakkut silaannakkullu angallaneq ullunik marlunnik kinguaattoorfiugaluartoq, sila nunatsinni ullumi silaqqimmat allakkat poortukallu tamarmik angunniissaat ilimanarluartoq Teleposti ilisimatitsivoq.

Nassiussat Maniitsumut Sisimiunullu apuutereerput. Avannaanut nassiussat ullumi anngutissapput, nunaqarfinnullu nassiussat pissusissamisut ingerlapput.

Kullusorsuarmulli Nuussuarmullu nassiussat aqagu anngutissapput.

Allakkat poortukallu Atlantikoq qulaallugu immikkut aqagu timmisartuussinissami nassatat juullertinnagu anngunnissaat Telepostimit ilimagineqanngilaq.