Alfred Bergimut isumaqatigiissut naalakkersuisut takorusuppaat

Naalakkersuisooqatigiinnut illuatungiliuttut Atassutip Demokraatillu namminersortunngorsaanissaq pillugu  aningaasaliisartumut Alfred Bergimut Royal Greenlandip isumaqatigiissutigisimasaata sumik imaqarneranik naalakkersuisunit paasitinneqarnissamik kissaataat naammassiniarneqalerpoq.

Naalaakkersuisut siulittaasuata Hans Enoksenip oqaatigaa isumaqatigiissut taanna Royal Greenlandip pisortaanit, Keld Askærimit piniarlugu aallagaqassalluni.

Naaminersorneq pillugu naalakkersuisup Jørgen Wæver Johansenip oqarneratut ”isumaqatigiissut assortuussutaavallaaqimmat” naalakkersuisut siulittaasuannut siunnersuutigisimanerarpaa  pissarsiariniaqqullugu.

Demokraatineersup Per Skaaningip, Atassutillu siulittaasuata Augusta Sallingip naalakkersuisut Jørgen Væver Johansenip aamma Johan Lund Olsenip suliffeqarfissuaq pillugu nassuiaataat naammaginagu, suli annerusumik, ingammillu Royal Greenlandip Alfred Bergimut isumaqatigiissutaa nassuiaateqarfigineqassasoq kissaatigaat.