Aleqa nipangersimalluinnartoq

Aleqa Hammondip Folketingip kreditkortianik atuinera pillugu KNR-ip saaffiginnissutai Aleqa Hammondimit akineqanngillat
Assi © : Kopenhagen Fur
aggustip 21-at 2016 16:41

Naalakkersuisut siulittaasorisimasaat akileraartartut aningaasaataannik immiinut pisiortorsimasoq, allakkat uppernarsaatit Ekstra Bladetip pissarsiarisimasaasa takutippaat.

KNR-ip Aleqa Hammond oqaaseqartinniarlugu ulloq tamaat attaveqarfiginiarsarigaluarpaa,

Siumup Folketingimut ilaasortaatitaa Folketingip aningaasaataanik 13.000 koruuningajannik imminut pisiortorsimasoq Ekstra Bladetip allagartat pissarsiarisimasaasa takutippaat.

Aamma atuaruk Tusagassiuut: Aleqa Hammond akileraartartut aningaasaataannik atornerlueqqittoq

Kreditkorteq ajornartoornermi atortariaqarsimallugu, tamannalu Folketingip allattoqarfianut nalunaarutigisimallugu pisumullu paaseqatigiissimasut, Hammond Facebookkikkut allappoq.

Ekstrabladetili naapertorlugu, Folketingip allattoqarfia Aleqa Hammondimut saaffiginnissimavoq, taamaattoqarsimaneranullu Ekstrabladet uppernarsaateqarnerarpoq

- Nammineq korterisat atornagu Folketingimit kreditkorterisat imminut pisiortornermut atortoorsimagunarpat, Folketingimiimmi kreditkorterisat atorlugu aningaasanik atuingaatsiarsimagavit, Ekstra Bladet naapertorlugu Aleqa Hammondip Folketingimit allagarsiaani taama allaqqasoqarpoq.

Aamma atuaruk Aleqa Facebookkikkut nassuiaateqartoq

Folketingip allattoqarfialu paaseqatigiillutik Aleqa Hammondip akileraartartut aningaasaataannik atuisimanerminik oqariartuutaa itisilertinniaraluarparput, aamma Folketingip kredtkortianik atuinermini piffissami sivisuumi aningaaseriviata ikiorsinnaasimannginneraa, KNR-ip apeqqutiginiaraluarpai.