TAKSØEP NALUNAARUSIAA Aleqa isornartorsiuisoq – Espersen nersuivoq
Nalunaarusiaq nunanut allanut- illersornissamut- isumannaatsuunissamullu naalgaaffeqatigiit politikkianut assigiinngitsunik 2030-ip tungaanut atorsinnaasunik unnersuussuteqarpoq.
Aleqa Hammondilli isornartorsiuinermini Kalaallit Nunaata soqutigisai nalunaarusiami takusinnaannginnerarpai.
- Nalunaarusiatut danskit isaannit isigisatut takuara - aqqutaa tamaat danskit pingaartitaat sammineqarput. Nalunaarusiaq atuapallalaaginnarlugu ima isikkoqanngilaq Issitumut suliniutissani kalaallit soqutigisaat toqqaannartumik suleqatiginnissutaasimasut, Aleqa Hammond KNR-imut oqarpoq.
Aamma atuaruk Illersornissaqarfiup Issittumi suliniutai nukittorsarneqarlik
Aamma atuaruk Issittumut tunngasut uani atuakkit
Aleqa Hammond naapertorlugu suliffeqarfiit Issittumi immikkuullarissuusut unnersuussutini amingaataapput.
- Arctic Five, tassa nunat tallimat issittumut sineriallit, Issittumi Siunnersuisoqatigiinni suliai piffissamik atuiffigivallaarsimanngilaat. Aamma isumaqarpunga unnersuussutit atuutsilersinnissaanni pisortat kalaallillu naalakkersuisui taaneqarsimanngitsut.
Aamma atuaruk Qujaukitsup naalagaaffeqatigiinnermi kissaatini saqqummiuppai
Aamma atuaruk Danskit nunanut allanut politikkianni Nunarput Issittorlu immikkut sammineqartut
Folketingimi Nunanut allanut tunngasunut ataatsimiititami siulittaasumit Dansk Folkepartiimeersumit Søren Espersenimit killormuanit nalunaarusiaq nersualaarneqarpoq.
Ingammik Issittumi illersornissaqarnikkut nukittorsaanissamik unnersuussut nersualaarneqarpoq. Ataatsimut isigalugu nalunaarusiap ersersippaa sooq naalagaaffeqatigiit Issittumi naalagaaffissuusoq, Espersen isumaqarpoq.
- Taamaappugut Kalaallit Nunaata Savalimmiullu inissisimaffii tunngavigalugit. Danmarkilu taannaammat ilisimatusarnermik sakkutooqarnikkullu peqataanissamik neqeroorsinnaasoq. Taamaattumik immitsinnut pinngitsoorsinnaannginnerput Taksøep tikkuarluaraa, Espersen oqarpoq.
