Aleqa Hammond: Sulinngiffeqarnissara pisussaaffigaara
- Sulinngiffeqarnissamik qinnuteqarpunga Inatsisartut Kukkunersiuinermut ataatsimiititaliaa eqqissilluni sulinissaa kissaatigigakku, Naalakkersuisut siulittaasuat, Aleqa Hammond oqarpoq ilanngullugulu oqaatigalugu, akisussaassusermik tamakkiisumik tigusigami sulinngiffeqarnissani qinersimallugu.
- Tassa tunngavilersuutigivara, inuiaqatigiinni toqqissisimannginneq angisoorujussuaq uannut tunngassuteqartutut isigineqarmat aamma isumaqarama pingaaruteqartorujussuusoq Inatsisartut Kukkunersiuinermik Ataatsimiititaliaat eqqissilluni sulitinneqarnissaa, taamaattumik isumaqarpunga taassuma ingerlanerani aalajangiisoqarnissaatalu tungaanut taamannak aalajangerpunga sulinngiffeqarniarlunga, Naalakkersuisut siulittaasuat attortissimaaqisoq, Aleqa Hammond taama oqarpoq.
Nunalli politikkikkut pingaarnertut siuttuata taama aalajangersimanera, Demokraatit siulittaasuata paasisinnaannginnerarpaa.
Tunuassalluni nalunaaruteqarpat tapersissavarput
- Uagut akuersaanngilarput, taamatut sulinngikkallarnissamik qinnuteqaateqarneq. Tassa napparsimanngilaq aamma qanigisaanik napparsimasoqanngilaq, una politikikkut assoralisimaarnerup kinguneranik tunuarallarnissaq taanna akuersaarsinnaanngilarput, kisianni tapersikutsuussuarput tunuassalluni nalunaaruteqarpat, Anda Uldum taama oqarpoq.
Inatsisartuni illuatungiliuttunngorsimasut, Partii Inuit aamma paasisinnaannginnerarpaat, sooq Naalakkersuisut siulittaasuata sulinngiffeqarnissaminik kissaateqarnera.
Akisussaaffimmik qimarratiginninneq
- Tunuarallarniaruni, soorunami suleqataanissaa qularaarput toqqaannartumik. Taassuma saniatigut aamma akisussaaffimmik qimarratiginninnertut isigalugu taamatut tusagassiutinut nalunaaruteqarpugut, qimarratiginninnertut aamma allatut annaasseriaraluarnertut pissaanermik, taamatut Siumut tigummineranik annaasseriarnertut isigalutigu, Partii Inuit Inatsisartunut ilaasortaatitaa, Randi Broberg taama oqarpoq.
Naalakkersuisut siulittaasuata aningaasanik atornerluisimagaanera, politikerinit innuttaasunillu aalassassimaartitsisoq pillugu, Aleqa Hammondip ima oqarpoq.
- Aalassassimaarneq pissutigalugu qimaasoqassanngilaq, akisussaaffimmik tigummisoqartariaqarpoq. Akisussaaffik tigummissavara, isornartorsiorneqaqaanga, imaannaanngillat ullut makku uannut aamma. Kisianni pingaarnerpaavoq akisussaaffimmik tassani tigummiassagaanni, naggatissaa tikillugu eqqortussaq nassaariniarlugu suleqataassaanga akisussaaffik tamakkiisoq tigummiarpara, Naalakkersuisut siulittaasuat, Aleqa Hammond taama oqarpoq.
Inatsisartuni illuatungiliuttuni Parti Naleraq kisiartaallutik, Naalakkersuisut siulittaasuata sulinngiffeqarnissaanut tapersersuillutik oqaatigaat. Hans Enoksen KNR-imut oqarpoq, Naalakkersuisut siulittaasuata taama annertutigisumik malersorneqarnini pillugu sulinngiffeqassappat tupiginagu.
Hans Enoksen ualilluinnartoq Aleqa Hammondimik tatiginninngikkunnaarluni nalunaaruteqarpoq, tatiginnikkunnaarnermik taasisitsisoqarmat Aleqa Hammond suli 15-inik tatigineqarpoq, 14-inilli tatigineqarani.
ALEQA HAMMONDIP ATORNERLUISIMANERA PILLUGU ALLAASERISAT
AAMMA ATUARUK Aleqa Hammond tatigineqarpoq
AAMMA ATUARUK Akerliussutsimik takutitsisut: Naammaleqaaq! Naammaleqaaq!
AAMMA ATUARUK IA: Assortorneqarsinnaanngitsumik Naalakkersuisut siulittaasuat inatsisinik unioqqutsitsivoq
AAMMA ATUARUK Kuupik: Pisup taamatut kinguneqartinnissaa pissusissamisuuinnarpoq
AAMMA ATUARUK Kuupik V. Kleist Inatsisartunit tunuarniuteqarpoq
AAMMA ATUARUK Naalakkersuisunik allannguinerit pingajussaat
AAMMA ATUARUK Illuatungiliuttut: Aleqap atornerluisimanera Inatsisartut oqaluuserisariaqarpaat
AAMMA ATUARUK Immikkut ilisimasalik: Jeremiassen marlunngorpat aalajangiisuussaaq
AAMMA ATUARUK Krusep akiligassaqarsimaneq ”akueriumanngilaa”
AAMMA ATUARUK Aleqa Hammondimik tatiginnikkunnaarnermik ersersitsisoqarnissaa Kristian Jeremiassenip siulittuutigaa
AAMMA ATUARUK Ukiortaami angalanerminut atatillugu akiitsoqarnini Kuupiup nassuerutigaa
AAMMA ATUARUK Inuit Ataqatigiit: Qinersisoqarli
AAMMA ATUARUK Naalakkersuisooqatigiinni eqqissisaaneq
AAMMA ATUARUK Aleqap angalatitsivik pisuutikkaa
AAMMA ATUARUK Aleqap Nunatta karsia atornerlukkaa