Assi: Chris Pike/Flickr Creative Commons

Alaskami qimuttut nakkutigineqalersut

Qimuttut ukiut tamaasa nunarsuarmi isorartunerpaami sukkaniuttarneranni, Alaskami Iditarodimi ingerlanneqartartumi maanna alapernaarsorneqartalissapput.

Tamanna ukioq manna sukkaniunnermi qimuttut ilaat nipaallisaatinik sukasaaserneqarsimanerata paasineqarneranik peqquteqarpoq.

Tamannali qanoq pisimanera suli paasinarsineqanngilaq.

Uumasut pisinnaatitaaffiisa illersorneqarnissaannik suliniuteqarfik taamaaliortuua? Unammisalluunniit sinngasup qimmit nerisassai nakorsaatinik akuai?

Tamanna ilisimaneqanngilaq, ataaserli qularnanngilaq, tassa taamaaliortoqaqqinngisaannassaaq, Iditarodimi aaqqissuisut oqarput.

Taamaammat aappaagumut unammisoqarnissaanut maanna isumassarsiortoqaleruttorpoq.

Qimuttut tamarmik assiliissuteeqqaamik bateritortumik atortulersorneqassapput, taamaalilluni malittarisassanik unioqqutitsineq takuneqarsinnaassalluni.

Tamatuma saniatigut qimuttut sukkaniuttarfianni 1600 kilometerisut isorartutigisumi, apuuttarfinni assigiinngitsuni, qimuttut siniffigalugillu neriffigisartagaanni aamma assiliissutilersuisoqassaaq,

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!