Assi: USFWS/Steve Chase/Flickr Creative Commons

Alaska nunami eqqissisimatitami uuliasiortitsinialersaartoq

Alaskami nunami eqqissisimatitami Arctic National Wildlife Refugemi, ANWR-imi, uuliaqarnersoq, Alaskami oqartussat paasiniarpaat, apeqqullu taanna akissutissarniarlugu præsident Donald Trumpimut ingerlateqqinniarpaat. E & E News nittartakkamini taama ilaatigut allaaserisaqarpoq.

Arctic National Wildlife Refugemi nunaminertaq uuliasiorfiusinnaasussatut piukkunneqartoq 6000 kvadratkilometerit missaannik annertussuseqarpoq, uuliasiorfiusinnaannginnissaali præsidentiusimasup Barack Obamap sukataarutigisimavaa.

Arctic National Wildlife Refugep sineriaata nalaani nunamik sajuppillatsitsinikkut uuliasiortoqarnissaa kissaatigineqarpoq, assigiinngitsutigulli aningaasalersorneqartariaqassalluni.

Najoqqutarisaq: wikipedia.org

Misissuinissammi Alaskap tamakkiisumik nammineq aningaasalersorsinnaanngilai, namminersortuniillu aningaasalersueqataasussanik ujarlertoqartariaqassalluni.

Alaskami ukiut sisamat matuma siornatigut guvernørip Sean Parnellip, republikaneriusup, Obamap naalakkersuisoqataalu taamanikkut apeqquteqaateqarfigai ANWR-imi uuliasiornissaq pillugu misissuisoqarsinnaanersoq, Obamalli naalakkersuisoqataasalu taamanikkut itigartitsillutik.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!