Akutaaneq: VM-imut peqataassagutta sungiusarnerusariaqarpugut
- Tamatta timitsigut sungiusarluarsimanissarput ersissaaq. Timitsigut nukilaannerunerput pissutigalugu ajugaaffigisassaraluavut 2. halvlegep ingerlanerani ajorsarfigisoortaratsigik, Akutaaneq Kreutzmann oqarpoq.
Kalaallit assammik arsartartut suut pikkoriffigineraat suullu pikkoriffiginerusariaqarneraat Akutaaneq Kreutzmannimut apeqqutigaarput.
- Soorunami sungiusarluarnerusoqarsinnaagaluarpoq, kisianni unammisatsinnit kalaallit uagut timitsigut sananeqaaterput allaanerugami. Taakkua sukkanerullutillu aallariataallaqqinnerupput, uagulli timitsigut nukittussuserput allaanerulaarami, tamakkuli sungiusarluarnikkut anguneqarsinnaapput, Akutaaneq Kreutzmann oqarpoq.
Kalaallit PanAmimi normu 5-inngorput
Amerikap nunavittaani nunallit unammersuarneranni kalaallit assammik arsartartut normu 5-inngorput.
Kalaallit nunani allani assammik arsartartunut sanilliutissagaanni sumi inissisimappat? Unammersuarnermi normu 3-miikkaluartugut, Akutaaneq Kreutzmannip oqaatigaa.
- Assammik arsarnermi unammisatsinnit taktikkikkut pitsaanerugaluarpugut. Håndboldersinnaanerput pigiinnarsimasuugutsisu pitsaanerit akornanni pingajuugaluarpugut. Kisianni timikkut nukkassarsimanissaq pingaarutilerujussuugami. Tullianimut nukkassarluarsimanissaq anguneqarsinnaappat pikkorinnerit pingasut akornanniilersinnaavugut.
Kalaallit Nunaata Chile ajorsarfigaa
Akutaaneq Kreutzmann aamma isumaqarpoq, nunani allamiut assammik arsartartut kalaallinit assammik arsartartunit sakkortunerusumik sungiusartartut. Kakkannerulissagaannimi sungiusartuartariaqarmat.
Taanna Amerikap nunavittaani nunallit unammersuarneranni kinguarsimasut saamerliit pitsaanersaattut toqqarneqarpoq.
Taanna aamma assammik arsartartu kakkannerpaat holdiinut toqqagaavoq, unammersuarnermilu 43-nik isertitaqarluni isertitsinerpaalluni.