Akiliut Danmarkimi atorsinnaajuassaaq

novembarip 30-at 2004 06:53

Danske Bankip Grønlandsbankimi piginneqataassutsiminik tunisinera Danmarkimi Akiliutip atorneqartarneranut ajoqutaassanngilaq. Immikkut aningaasartuutaanngitsumik ullumikkutulli atortarnera ingerlaannassaaq.

-Grønlandsbankip Danske Bankillu akornini niuernikkut nalinginnaasumik tamanna isumaqatigiissutaavoq, piginneqataassutsinillu tunisinermut attuumassuteqarani, Grønlandsbankip pisortaa Svend Erik Danielsen oqarpoq.

-Aningaaseriviit taakku marluk aningaasanik tigusisarfinnik 1000-it sinnilinnik pigisaqarput Grønlandsbankimillu atuineq atuisunut immikkut aningaasartuutitaqanngilaq. Takorloorneqarsinnaavortaarlu massakkut nutaamik piginneqataalersut aamma taamatut isumaqatigiissuteqarfigisinnaanissaat, Svend Erik Danielsen nassuiaavoq.