Assi: Flickr

Akiliineq ajortut DR-ip aningaasaqarneranut artorsiisut

DR akileraartarnermi oqartussat  TV-mik isiginnaarsinnaanermut akiliutinik akiliisitsiniartannginneranit artorsinneqaqqangaatsiarpoq.

Taamaammat Kultureqarnermut ministereqarfiup Folketingi DR, akiliutinik 1,4 milliardinik koruuninik amigaateqartoq, 500 millionit koruunit nalingannut naalagaaffimmit qularnaveeqquserneqarnissaa maanna kissaateqarfigaa.

Tamanna Folketingip Aningaasaqarnermut ataatsimiititaliaata sisamanngorpat oqallisigisassaani atuarneqarsinnaavoq.

Naalagaaffimmit qularnaveeqqusiineq atukkanik aningaaserivimmiillu tigoriaannarnik atorniarsinnaanissaanut qulakkeerinnimmermut atorneqassaaq,  DR taamaalilluni tigoriaannaarnik aningaasaataaruteqqunagu.

Oqallisigineqartussamittaaq allassimavoq DR-ip ajornartorsiutigisaa akileraartarnermi oqartussat atortorissarutaanik ajutoortumik EFI-mik peqquteqartoq. Ajutoorutip taassuma ilaatigut isiginnaarsinaanermut akiliutinik akiliisitsiniarneq ajornarnerulersissimavaat

Danskit isiginnaarsinnaanermut 1,47 milliardit koruninik maanna akiligassaqarput. Tamakkorpassuilli ilaat amerlasuut annaaneqassasut naatsorsuutigineqarpoq. Taamaalilluni akilersinniarsinaasallu 700 millionit koruunit missaaniiginnaassapput.

Tamanna DR-ip akiliisinnaassuseqarneranut ajornartorsiortitsingaatsiarpoq. DR 2017-imi decembarip qaammataanili tigoriaannarnik 100 millionit koruuninik amigaateqalissaso naatsorsuutaavoq.

DR-ip akiliisinnaassutsimi suli ukiuni aggersuni ajorsiartornissaa naatsorsuutigaa akileraartarnermiliu oqartussa nalinginnaasumik akiilisitsisaleqqinnissaata tungaanut ukiumut 300 millionit koruunit missaanniittunik amigaateqarnerusarnissaq missiliutigalugu.

Akileraartarnermut ministereqarfiup akiliisitsiniartarneq 2019-imi nalinginnaasunngoqqissasoq naatsorsuutigaa, taamani akiligassalinnut akiliisitsiniartarfimmi nutaami sulisut 1500-it piareersimassammata.

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!